"فيس بوك" الثورة .. فوازير وأغانٍ ونكت
الاثنين, 21 مارس 2011
كتبت- مروة عمار:
تخرج النكتة المصرية من عنق الأزمة لتصف حالة يعيشها السواد الأعظم الذي اعتاد على أن يفجر طاقته الغاضبة الساخطة في عبارة قصيرة كأداة للتعبير والتعليق منه على الأحداث التي يمر بها ..
لذا يمكنك الانتقال من فزورة لأغنية إلى نكتة هزلية التمتع بلحظات ترفيهية على الفيس بوك.. ولنبدأ بالفزورة ومن يربح سيخ عز؟.
النائب العام يبقى ابن خالة وزير الداخلية محمود وجدى ، وزوجة أحمد شفيق تبقى عمة خديجة مرات جمال مبارك ، وابن الفريق أحمد فاضل رئيس قناة السويس متجوز بنت عمر سليمان ، ومرات حبيب العادلى تبقى طليقة أشرف السعد (حرامى الأموال ) و كمان بنت عمة سوزان مبارك، وزهيرجرانة يبقى ابن خالة محمد منصور والمغربى وأحمد عز، والمصيلحى ابن خالة انس الفقى وكلاهما يعتبر منير ثابت أخو سوزان زوج خالتهما ، وسرى صيام رئيس محكمة النقض والد خالد سرى صيام رئيس البورصة.
السؤال هنا للأذكياء:
زهير جرانة يقرب إيه للراجل اللى كان واقف ورا عمر سليمان...
ربط الشباب بين أسماء الوزراء وصفاتهم وبين أسماء الحكام وصفاتهم فوجدوها مضادة لمعانيها
كل الحكام العرب أسماؤهم عكس صفاتهم..
مثلا:
مبارك ..... ملعون
زين ....... شين
صالح ..... طالح
معمر ..... مخرب
وهناك مجموعة من الأسئلة الاستفزازية يرددها الشباب منذ بداية الثورة وحتى اليوم .. ليه وزير التربية و التعليم اسمه زكى و العيال أغبيا ؟ ليه وزيــر الـمــالـيـــة اسمه غالى و الشعب رخيص ؟ ليه وزيـر الـداخلية اسمه العادلى والشعب مظلوم ؟ ليه رئــيــــــس الـــوزراء اسمه نظيف والتلوث قاتلنا ؟ ليه رئيس مجلس الشعب اسمه سرور والغم ركبنا حد يقولى ليـــــه ؟ أقولكوا لييييييييه عادى ما رئيســـــــــنا اسمه مبارك وكل حاجه قــلت بركتها.
ومن النكات التي انتشرت عقب تنحي الرئيس
أحمد عز بيقول لجمال:علي فكرة ابوك غلط غلطة عمره.
جمال قالة ليه؟ أحمد عز: أبوك باع البلد كلها ونسي يبيع ميدان التحرير
وأخرى تقول "اتنين محششين واحد بيقول للتانى: هو إيه الفيس بوك ده ؟..
قاله بتاعة كدة بيشيلو بيها الريس.
أما عن أفلام 2011 في صالات السـينما العـربية
تونـس " دراما " ، اسـم الفـيلم : الهروب الكـبير ، بطولة زيـن العـابدين
مصر " أكشن " ، : اسم الفـيلم : الليلة الأخيرة ، بطـولة حـسني مبارك
لـيبـيا " كوميدي " ، اسـم الفـيلم : لـن أرحـل أبداً حتى أرحل ، بطولة معمر الـقذافي
ﻣﻈﺎﻫﺮﺓ ﻣﻠﻴﻮﻧﻴﺔ آﺧﺮ ﺍﻟﺸﻬﺮ ﻟﻨﻘﻞ ﻣﻴﺪﺍﻥ ﺍﻟﺘﺤﺮﻳﺮ ﻟﻠﺴﺎﺣﻞ ﺍﻟﺸﻤﺎﻟﻲ......ﺍﺳﺘﻌﺪﺍﺩﺍ ﻟﻠﺼﻴﻒ ﻭ ﻋﻠى ﺍﻟﻤﺘﻈﺎﻫﺮﻳﻦ ﺍﻻﺳﺘﻌﺪﺍﺩ ﺟﻴﺪﺍ :......ﻣﺎﻳﻮﻫﺎﻙ أﺑﻮ ﺗﻮﻛﺔ , ﻋﻮﺍﻣﺘﻚ, ﻧﻀﺎﺭﺗﻚ , ﺷﻤﺴﻴﺘﻚ ,ﺳﻨﺪﻭﺗﺸﺎﺗﻚ ﻋﺪﺗﻚ ﻭﺑﻼﺵ ﺷﺒﺸﺐ ﺑﺤﺮ ﻋﻠﺸﺎﻥ ﻟﻤﺎ ﺗﺠﺮﻱ ﻣﻦ الأﻣﻦ ﺍﻟﻤﺮﻛﺰﻱ.
ومن أقوال القادة المأثورة للشعوب كانت :
بن علي :أنا فهمتكو
مبارك : أنا خدمتكو.
القذافي أنا هاولع في أمكو
بعد أحداث كنيسة القديسين و الشهيدين وحادث القطار والانقلاب فى مصر وتونس و الحرب فى ليبيا ومحاولات الانقلاب فى باقى الدول العربية..وعدد 2 زلزال مدمر و عدد 2 تسونامى فى اليابان و تهديد كاليفورنيا و عدد من المدن الساحلية و التسرب الإشعاعى.. قرر المجلس الاعلى للقوات المسلحة اعتبار 31 مارس هو المتمم لسنة 2011 و كفاية كده عليها.. واعتبار 1 أبريل هو أول يوم فى السنة الجديدة 2012
كل سنة و أنتم طيبون والله الموفق والمستعان.
أما الاستفتاء فقد كان حدثا تاريخيا حقا لا يجب أن يمر مرور الكرام على النكتة المصرية فجاء التعليق كالتالي " كالعادة ينتقل الشعب المصري من مرحلة إلى مرحلة جديدة خالص فقد انتقل من مرحلةالتصوير مع الدبابة الي مرحلة التصوير مع صباعه البمبي"
ومن الأحداث الجارية إلى أغاني الثورة فالاحتفال بعيد الأم في ظل ما نمر به من أحداث على الساحة السياسية هي الأولى من نوعها نجد الشباب حرف أغنية الراحل محمد فوزي لتخرج بهذا الشكل:
ماما ﺯﻣﺎﻧﻬﺎ ﺟﺎﻳة
ﺟﺎﻳﻪ ﺑﻌﺪ ﺷﻮﻳﻪ
ﺟﺎﻳﺒﻪ ﻣﺪﺭﻋﺎﺕ
ﺟﺎﻳﺒﻪ ﻣﻌﺎﻫﺎ ﻃﺒﻨﺠة
...ﻓﻴﻬﺎ ﻣﻠﻴﻮﻥ ﻃﻠﻘﻪ
ﺑﺘﻘﻮﻝ ﻃﺎﺥ ﻃﺎﺥ ﻃﺎﺥ
ﺷﻔﺘﻮﺍ ﺍﻟﻮﺍﺩ ﺍﻟﻠﻲ ﺍﺳﻤﻪ ﺣﺴﻨﻲ ﺟﻪ
ﺍﻟﺘﺤﺮﻳﺮ ﻭ ﻋﻤﻞ ﻟﻪ إﻳﻪ؟؟
ﺭﺍﺣﻮﺍ ﻋﻤﻠﻮله ﺛﻮﺭﺓ ﻛﺒﻴﺮﺓ
ﻋﺎﺭفين ﻋﻤﻠﻮﺍ ﺍﻟﺜﻮﺭﺓ ﻟﻴﻪ؟؟
ﻣﺎ ﺑﻴﺴﻤﻌﺸﻰ ﻛﻼﻡ ﺍﻟﺸﻌﺐ ﻭﻛﻞ ﺍﻟﻮﺯﺭﺍﺀ
ﺿﺤﻜﻮ ﻋﻠﻴـــــــــــــــــﻪ
ﻭﺍﻫﻮ ﻣﻦ ﻳﻮﻣﻬﺎ ﺍﺧﺪﻭ ﻓﻠﻮﺳﻮ ﻭﻛﻞ ﺍﻟﺸﻌﺐ
ﺑﻴﺪﻋﻰ ﻋﻠﻴﻪ واهي من يومها البلد باظت والشعب بيقول هييييييه هييييييه
الثورة نمت موهبة الشعر الجاهلي لدى الشباب الفيس بوكي فقاموا بإعادة صياغة لخطاب القذافي ليخرج في صورة أبيات شعرية ..
وزنجنا فى الزنجة...وقلبها ليلة زرجة...
موت ما ساب فينا...لا سليمة ولا عرجة...
و رجع يكلمنا...بلغات ما هيش دارجة...
و قرألنا م الأخضر...يجى 200 ورجة...
...ولابسلنا ستارة...بغباوته بقى فرجة...
قالك حبوب بن لادن...لعقولكوا ليه سارجة...
وازاى فيران زييكم...عن طوعى كده خارجة...
أنا مجد أمجادكم...ووجودى حاجة فارجة...
بلا نيلة غور سيبها...ما كفاية دى غارجة...
فى دماها بسلاحك...م الزاوية لين برجة...
No comments:
Post a Comment